પતિના અફેર કે સટ્ટેબાજીની આદત દહેજ હત્યામાં ફસાવવાનો આધાર નહીં-હાઈકોર્ટનો મહત્વનો ચુકાદો
દિલ્હી હાઈકોર્ટે એક મહત્વની ટિપ્પણી કરતાં કહ્યું કે પતિના લગ્નેતર સંબંધો કે સટ્ટાબાજીની આદતો તેને દહેજ મૃત્યુ સાથે સંબંધિત ભારતીય દંડ સંહિતાની કલમ 304બી હેઠળ ફસાવવાના આધાર ન હોઈ શકે. જસ્ટીસ વિકાસ મહાજનની સિંગલ બેંચે 5 સપ્ટેમ્બરના રોજના તેના આદેશમાં આ ટીપ્પણી કરી હતી. જ્યાં સુધી અરજદાર અથવા સટ્ટાબાજીમાં સંડોવાયેલા અરજદારના લગ્નેતર સંબંધની વાત છે, ત્યાં સુધી તે અરજદારને આઈપીસીની કલમ 304 બી હેઠળ ફસાવવાનો આધાર ન હોઈ શકે. આ ટિપ્પણી આઈપીસીની કલમ 304 બી અને 34 હેઠળ કોર્ટ દ્વારા નોંધાયેલી એફઆઈઆરના સંદર્ભમાં એક વ્યક્તિ દ્વારા દાખલ કરવામાં આવેલી જામીન અરજી પર આવી છે. આઈપીસીની કલમ 304બીનો ઉલ્લેખ કરતા, હાઈકોર્ટે કહ્યું કે સતામણી અથવા ક્રૂરતા “મૃત્યુ પહેલાં તરત જ” હોવી જોઈએ અને દહેજની માંગ સાથે સંબંધિત હોવી જોઈએ. “મૃત્યુ પહેલાંની તરતની અભિવ્યક્તિ એ સાપેક્ષ અભિવ્યક્તિ છે. દરેક કિસ્સામાં સમયગાળો અલગ અલગ હોઈ શકે છે.આ કેસમાં મૃતકના પિતાએ પતિને દહેજના ખોટા કેસમાં ફસાવ્યો હોવાનું કોર્ટને લાગ્યું હતું તેથી કોર્ટે સ્પસ્ટ કહ્યું કે પતિના અફેર કે સટ્ટેબાજીની આદત દહેજ હત્યા કેસમાં ફસાવાનો આધાર ન હોઈ શકે.
