આજથી ક્રિકેટના મહાકુંભ વર્લ્ડકપનો શુભારંભ: રિઝર્વ ડેથી લઈને સુપર ઓવર સુધી
Contact News Publisher
છેલ્લા વનડે વર્લ્ડ કપની જેમ આ વખતે પણ 10 ટીમો ભાગ લઈ રહી છે. ભારતના 10 શહેરોમાં ટૂર્નામેન્ટના 48 મેચ રમાશે. પહેલી મેચ પાંચ ઓક્ટોબરે ઈંગ્લેન્ડ અને ન્યૂઝીલેન્ડની વચ્ચે અમદાવાદના નરેન્દ્ર મોદી સ્ટેડિયમમાં રમાશે.
આજથી વર્લ્ડ કપની શરૂઆત થવા જઈ રહી છે. પાંચ ઓક્ટોબરે ગઈ વખતના વિશ્વ ચેમ્પિયન ઈંગ્લેન્ડ અને રનરઅપ ન્યૂઝીલેન્ડની વચ્ચે અમદાવાદના નરેન્દ્ર મોદી સ્ટેડિયમમાં મેચથી ટૂર્નામેન્ટની શરુઆત થશે. રાઉન્ડ રોબિન સ્ટેજમાં 45 મેચ રમાશે જ્યારે ત્રણ મેચ નોકઆઉટ સ્ટેજમાં થશે. એટલે કે કુલ 48 મેચ રમાશે. 19 નવેમ્બરે ટૂર્નામેન્ટની ફાઈનલ રમાશે.
વનડે વિશ્વ કપમાં આ વખતે 10 ટીમો ભાગ લેશે. જ્યારે યજમાન ભારત ઉપરાંત ડિફેંડિંગ ચેમ્પિયન ઈંગ્લેન્ડ, રનરઅપ ન્યૂઝીલેન્ડ, ઓસ્ટ્રેલિયા, પાકિસ્તાન, દક્ષિણ આફ્રીકા, શ્રીલંકા, અફઘાનિસ્તાન, બાંગ્લાદેશ અને નેધરલેન્ડ પણ ટૂર્નામેન્ટમાં રમશે. શ્રીલંકા અને નેધરલેન્ડે ક્વોલિફિકેશન રાઉન્ડ પાર કરી લાસ્ટ 10માં જગ્યા બનાવી લીધી છે.