100 કલાકથી ટનલમાં ફસાઈ 40 જિંદગીઓ: દિલ્હીથી સેનાનું વિમાન ખાસ મશીન લઈને આવ્યું, કઈ રીતે કરાશે રેકસ્યું?
Contact News Publisher
ઉત્તરકાશીમાં નિર્માણાધીન ટનલ 12 નવેમ્બરના રોજ સવારે લગભગ 4 વાગે તૂટી ગઈ હતી હતી જેમાં 40 મજૂરો ફસાયા છે. હાલ 200 થી વધુ લોકોની ટીમ તેમને બચાવવા માટે 24 કલાક કામ કરી રહી છે.
ઉત્તરાખંડના ઉત્તરકાશી જિલ્લામાં સુરંગમાં 7 રાજ્યોના 40 મજૂરો ફસાયા છે. આ ઘટનાને લગભગ 100 કલાક વીતી ગયા છે. આ ટનલ દુર્ઘટનાનો આજે 5મો દિવસ છે, પરંતુ હજુ સુધી એક પણ મજૂરને બચાવી શકાયો નથી. NDRF, SDRF સહિત અનેક નાગરિક સંરક્ષણ દળોના જવાનો બચાવ કામગીરીમાં રોકાયેલા છે.
નિર્માણાધીન સિલ્ક્યારા ટનલ 12 નવેમ્બર એટલે કે દિવાળીના રોજ સવારે લગભગ 4 વાગે તૂટી ગઈ હતી હતી. નેશનલ હાઈવે એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડ (NHIDCL), NDRF, SDRF, ITBP, BRO અને નેશનલ હાઈવેના 200 થી વધુ લોકોની ટીમ ફસાયેલા લોકોને બચાવવા માટે 24 કલાક કામ કરી રહી છે. આ પછી પણ હજુ સુધી એક પણ મજૂરને બહાર કાઢવામાં આવી શક્યા નથી. સાથે જ આ માટે ભારતીય વાયુસેનાની મદદ લેવામાં આવી છે.