સુરતની સચિન GIDCમાં કેમિકલ ફેક્ટરીમાં આગ, સ્ટોરેજ ટેન્કમાં થયો હતો વિસ્ફોટ, 24 કર્મચારી દાઝ્યાં
Contact News Publisher
સુરતથી એક મોટા સમાચાર સામે આવ્યા. અહીં સચિન વિસ્તારમાં કેમિકલ બનાવતી કંપની એથર ઈન્ડસ્ટ્રીઝમાં ભયંકર આગ લાગી ગઈ હતી. જેના પગલે હાહાકાર મચી ગયો હતો. આ ઘટનામાં લગભગ 24 જેટલાં કર્મચારીઓ દાઝી ગયાની માહિતી મળી રહી છે.
માહિતી અનુસાર આગ ઓલવવાના પ્રયાસરૂપે ફાયરબ્રિગેડની એક મોટી ટીમ ઘટનાસ્થળે દોડી આવી હતી. જેના બાદ કલાકો સુધી આગ ઓલવવાનો પ્રયાસ કરાયો હતો. ઘાયલ કર્મચારીઓને સારવાર અર્થે હોસ્પિટલ ખસેડાયા હતા. રાતે બે વાગ્યે આસપાસ આ ઘટના બની હોવાની જાણકારી મળી રહી છે. પ્રાથમિક તપાસમાં સચિન જીઆઈડીસી વિસ્તારમાં આવેલી એથર ઈન્ડસ્ટ્રીઝ કંપનીમાં આવેલા કેમિકલ પ્લાન્ટના સ્ટોરેજ ટેન્કમાં પ્રચંડ વિસ્ફોટ થવાને કારણે આગ ફાટી નીકળી હોવાની જાણકારી અપાઇ છે.