વેપારી પાસેથી 5 લાખની ખંડણી માંગનાર બે ઝડપાયા

આ ગુનામાં દેવાંગ નામનો આરોપી હજુ મળ્યો નથી. જેની ક્રાઈમ બ્રાંચે શોધખોળ જારી રાખી છે. ક્રાઈમ બ્રાંચના સૂત્રોએ જણાવ્યું કે આરોપી કિશન ત્રણ-ચાર વર્ષ પહેલાં ચંદ્રકાંતભાઈની દુકાનમાં નોકરી કરતો હતો. જેથી તેના સ્વભાવથી પરિચીત હતો. તેને ખાત્રી હતી કે જો ધમકી આપશું તો આસાનીથી ખંડણીની રકમ ચુકવી દેશે. જેથી તેણે બે મિત્રોને સાથે રાખી રૂા.પ લાખની ખંડણી માંગી હતી.

પરંતુ તેની ગણતરી ઉંધી વળી હતી. ચંદ્રકાંતભાઈએ આ અંગે ગઈકાલે બી-ડિવીઝન પોલીસ મથકમાં ફરિયાદ નોંધાવી હતી. જેના આધારે ક્રાઈમ બ્રાંચે બંને આરોપીઓને ઝડપી લીધા હતા. ઉલ્લેખનીય છે કે ચંદ્રકાંતભાઈ પરિવાર સાથે જૂનાગઢ ફરવા ગયા હતા. તે વખતે આરોપીઓએ કોલ કરી ખંડણી માંગી હતી. પરંતુ ચંદ્રકાંતભાઈએ જવાબ નહીં દેતાં આરોપીઓએ પેડક રોડ ઉપર ઉભા રાખી ખંડણી માંગી હતી. ક્રાઈમ બ્રાંચે ગુનામાં વપરાયેલ ટુ વ્હીલર, ચાર મોબાઈલ ફોન અને છરી પણ આરોપીઓ પાસેથી કબ્જે કરી હતી