રાજકોટઃ કોંગ્રેસ કિસાન સેલના પ્રમુખે પત્ની સાથે આપઘાત કર્યો..
રાજકોટમાં એક દંપતીએ કોઈ કારણસર ઝેરી દવા પીને આત્મહત્યા કરી છે. શહેરના હુડકો ચોકડી પાસેની મહેશ્વરી સોસાયટીમાં રહેતા કોંગ્રેસ કિસાન સેલના પ્રમુખ હરેશ મોરડિયા અને તેમનાં પત્ની રમીલા મોરડિયાએ તેમના ઘરે જીવન ટૂંકાવ્યું હતું. કોંગ્રેસ કિસાન સેલના પ્રમુખ હરેશ મોરડિયા એક પ્રાઇવેટ સ્કૂલના પ્રિન્સિપાલ પણ છે. પોલીસે આ અંગે તપાસ શરૂ કરી છે, પરંતુ હજી સુધી આત્મહત્યા કરવા પાછળનું કારણ જાણવા મળ્યું નથી. જોકે એવું મનાય છે કે, પુત્ર અને પુત્રવધૂની માથાકૂટના કારણે દંપતીએ આ પગલું ભર્યું છે. આ દંપતી સવારે મોડે સુધી બહાર ન આવતાં અને ઘર પણ બંધ જણાતા પાડોશીઓને શંકા ગઈ હતી અને તેથી તેમણે દરવાજો ખખડાવ્યો હતો, પરંતુ તે ન ખૂલતા દરવાજો તોડ્યો હતો. પાડોશીઓએ જોયું તો હરેશ અને રમીલા મોરડિયા બેડરૂમના બેડ પર બેભાન અવસ્થામાં પડેલાં હતાં, જેથી એમ્બુલન્સ બોલાવાઈ હતી, જોકે તે પહેલાં તેમનું મોત નીપજી ગયું હતું. હરેશ અને રમીલા મોરડિયાના પુત્રે થોડા સમય પહેલાં જ પ્રેમલગ્ન કર્યા હતા અને તેમનો પુત્ર અલગ રહે છે. પુત્રવધૂએ થોડા દિવસો પહેલાં જ મહિલા પોલીસ સ્ટેશનમાં અરજી કરી હતી. આ પરથી પોલીસને શંકા છે કે, આત્મહત્યા પાછળનું કારણ ઘરકંકાશ હોઈ શકે છે.
relaxing sleep music