સંગરુરની જેલમાં ધારદાર હથિયારથી ખૂની ખેલ, 2 કેદીના મોત અને બે ઘાયલ થયા
પંજાબના સંગરુર જિલ્લામાંથી એક ચોંકાવનારી ઘટના સામે આવી છે. વાત જાણે એમ છે કે, શુક્રવારે મોડી સાંજે અહીંની જિલ્લા જેલમાં કેદીઓ વચ્ચે ઉગ્ર બોલાચાલી થઈ હતી. આ બોલાચાલી અચાનક લોહિયાળ અથડામણમાં ફેરવાઈ ગઈ હતી. કેદીઓએ એકબીજા પર તિક્ષ્ણ હથિયારો વડે હુમલો કર્યો હતો. હુમલા બાદ ચાર કેદીઓને સંગરુર હોસ્પિટલમાં લાવવામાં આવ્યા હતા. જેમાંથી 2 કેદીઓનું સારવાર દરમિયાન મોત નિપજ્યું છે.
પંજાબની સંગરુર જેલમાં બંધ ચાર કેદીઓ વચ્ચે ઘર્ષણની માહિતી મળતા જ વહીવટી અધિકારીઓ તરત જ ઘટનાસ્થળે પહોંચી ગયા હતા. હુમલા દરમિયાન ચારેય જણા ગંભીર રીતે ઘાયલ થયા હતા. ચારેયને તાત્કાલિક સરકારી દવાખાને લઈ જવાયા હતા. જ્યાં બેના મોત થયા હતા. અત્યાર સુધી પ્રાપ્ત માહિતી અનુસાર ચારેય કેદીઓ એક જ બેરેકમાં હતા.2 કેદીઓ મૃત્યુ પામ્યા હતા અને ચારેય કેદીઓને માથામાં ઈજા થઈ હતી.