સંસદના વિશેષ સત્ર વચ્ચે PM મોદીએ બોલાવી કેબિનેટ બેઠક, સાંજના 6:30 કલાકે થઇ શકે છે મોટું એલાન

PM મોદીએ કહ્યું કે આ સદનમાં પંડિત નહેરુ, શાસ્ત્રીજી, મનમોહન સિંહે પોતાના કાર્યકાળ દરમિયાન દેશને ગતિ આપવાનું કામ કર્યું છે. આજનો દિવસ એ તમામ નેતાઓનો ગુણગાન કરવાનો છે. તેમણે આગળ અટલ બિહારી વાજપેયીને યાદ કરતાં કહ્યું કે હું હંમેશા કહેતો રહ્યો છું કે આ દેશ કેવી રીતે આગળ વધે તેને લઈને આપણે સૌએ સાથે મળીને કામ કરવું જોઈએ. આજે સંસદમાં અટલ બિહારી વાજપેયીની વાત મને યાદ આવી રહી છે. તેમણે કહ્યું હતું કે સરકારો આવશે અને જશે, પાર્ટીઓ બનશે, બગડશે પરંતુ દેશ હંમેશા આગળ વધતો રહેવો જોઈએ.PM મોદીએ સદનનાં વિવિધ નિર્ણયોનો ઉલ્લેખ કરતાં કહ્યું કે આ સદને અનેક ઘટનાઓ જોઈ છે. સદને ઈમેરજન્સીથી લઈને સંસદ પર હુમલો બધું જોયું છે. તેમણે કહ્યું કે આ સદન દુ:ખથી છલકાઈ ગયું જ્યારે દેશ તેના 3 પ્રધાનમંત્રીને તેમના કાર્યકાળ દરમિયાન ગુમાવી બેઠું.  નહેરુજી, ઈન્દિરાજી, શાસ્ત્રીજી- ત્યારે આ સદન અશ્રુ ભરેલી આંખોથી તેમને વિદાય આપી રહ્યું હતું.તેમણે કહ્યું કે 2047 સુધી દેશને વિકસિત બનાવવાનું છે. તેના માટે જેટલા પણ નિર્ણયો લેવાશે તે તમામ નવા સંસદ ભવનમાં થશે. ઉમંગ અને વિશ્વાસ સાથે આપણે નવા સદનમાં પ્રવેશ કરશું. આ સત્ર ઘણો મૂલ્યવાન છે.