સુપ્રીમ કોર્ટના પ્રથમ મહિલા જજ ફાતિમા બીવીનું 96 વર્ષની વયે નિધન
Contact News Publisher
સુપ્રીમ કોર્ટના પ્રથમ મહિલા જજ અને તમિલનાડુના પૂર્વ રાજ્યપાલ જસ્ટિસ ફાતિમા બીવીનું આજે સવારે નિધન થયું છે. સત્તાવાર સૂત્રોના જણાવ્યા અનુસાર તેમણે કેરળની એક ખાનગી હોસ્પિટલમાં 96 વર્ષની વયે અંતિમ શ્વાસ લીધા હતા.કેરળના સ્વાસ્થ્ય મંત્રી વીણા જ્યોર્જે જસ્ટિસ ફાતિમા બીવીના નિધન પર શોક વ્યક્ત કરતા કહ્યું કે, તેમણે સુપ્રીમ કોર્ટના પ્રથમ મહિલા જજ અને તમિલનાડુના ગવર્નર તરીકે પોતાની છાપ છોડી છે. જ્યોર્જે એક નિવેદનમાં કહ્યું કે , તે એક બહાદુર મહિલા હતી જેણે ઘણા રેકોર્ડ પોતાના નામે કર્યા છે. તે એક એવું વ્યક્તિત્વ હતું, જેમણે તેમના જીવન દ્વારા બતાવ્યું કે મજબૂત ઇચ્છાશક્તિ અને હેતુની સમજ સાથે કોઈપણ પ્રતિકૂળ પરિસ્થિતિને પાર કરી શકાય છે.