હર હર મહાદેવ! શિવજી જાતે કરી રહ્યા છે ઉતરાખંડ ટનલમાં ફસાયેલા મજૂરોની રક્ષા? ગેટ પર જોવા મળી કૈલાશપતિની આકૃતિ

આ આકૃતિને જોયા બાદ સ્થાનીક લોકોની સાથે સાથે બચાવ દળની આશા પણ વધી ગઈ છે. હવે તેઓને લાગી રહ્યું છે કે તેમને ટુંક સમયમાં જ સફળતા મળી જશે. ભગવાન શિવની આ આકૃતિની તસવીર અત્યારે સોશિયલ મીડિયામાં ખુબ જોર શોરથી વાઈરલ થઈ રહી  છે. આ ટનલના એન્ટ્રેંસ પર બનેલી આ આકૃતિમાં ભગવાન શિવને પ્રકટ રૂપમાં જોઈ શકાઈ છે… તમને જણાવી દયે કે છેલ્લા 16 દિવસથી સિલક્યારા ટનલમાં 41 જેટલા મજુરો ફસાયેલા છે.

આ તમામ મજુરનો બહાર કાઢવા માટે કેન્દ્ર અને ઉત્તરાખંડ સરકાર દ્વારા સંભવ તમામ પ્રયાસ કરવામાં આવી રહ્યાં છે… તેમ છતા હજુ સફળતા મળી નથી.. આખો દેશ અત્યારે આ ઘટનાને લઈને ચિંતિત છે અને દરેક જગ્યાઓ પર આ મજુરોની સુરક્ષા માટે દુવા અને પ્રાર્થના કરવામાં આવી રહી છે. રવિવારે જ ઉત્તર કાશીના તમામ મંદિરોમાં ભગવાન શિવની પૂજા કરવામાં આવી હતી. ભગવાન શિવ સમક્ષ આ તમામ મજુરો માટે પ્રાણદાનની પ્રાર્થના કરવામાં આવી હતી. આ પ્રાર્થના કર્યાના 24 કલાકની અંદર જ ટનલના એન્ટ્રેંસ પર ભગવાન શિવની આકૃતિ જોવા મળતા લોકોમાં હવે વધુ આશા જાગી છે. લોકોનું કહેવુ છે કે ખુદ ભગવાન ભોલેનાથ કૈલાશ પરથી ચાલીને આવ્યા છે અને સિલક્યારા પહોંચ્યા છે. હવે કોઈ પણ ક્ષણે આ મજુરોને આ ટનલમાંથી બહાર નીકળવામાં સફળતા મળી શકે છે.