આદિત્ય L1 મિશને ફરી આપી મોટી ખુશખબરી, ISROએ શેર કરી લાખો કિમી દૂરથી આવેલી અતિ મહત્વની માહિતી
ઈસરોના (ISRO) પ્રથમ સોલાર મિશન આદિત્ય એલ1 તરફથી સારા સમાચાર સામે આવ્યા છે. આદિત્ય એલ1 મિશને સૌર હવાની સ્ટડી કરવાની શરૂઆત કરી છે. આદિત્ય સોલરવિંડ પાર્ટિંકલ એક્સપરિમેંટ પેલોડે કામ કરવાની શરૂઆત કરી છે અને ફોટો શેર કરીને તેની જાણકારી આપી છે. ઈસરોએ 2 સપ્ટેમ્બરના રોજ આંધ્રપ્રદેશના શ્રીહરિકોટાથી સોલર મિશન આદિત્ય એલ1 રવાના કર્યું હતું. આદિત્ય એલ1 સૂર્યનું અધ્યયન કરનાર પહેલી અંતરિક્ષ આધારિત વેધશાળા છે. જે પૃથ્વીથી લગભગ 15 લાખ કિલોમીટર દૂર આવેલ લેગ્રેંજિયન બિંદુ ‘L1’મી આજુબાજુ પ્રભામંડળથી સૂર્યનું અધ્યયન કરે છે.
ISROએ એક નિવેદનમાં જણાવ્યું છે કે, આદિત્ય સોલરવિંડ પાર્ટિંકલ એક્સપરિમેંટમાં બે આધુનિક ઉપકરણ સોલર વિંડ આયન સ્પેક્ટ્રોમીટર એન્ડ એનર્જેટિક પાર્ટિકલ સ્પેક્ટ્રોમીટર (STEPS) શામેલ છે. ISROએ આ બાબતે જાણકારી શેર કરીને જણાવ્યું છે કે, ઉપગ્રહ પર હાજર રહેલ, આદિત્ય સોલરવિંડ પાર્ટિંકલ એક્સપરિમેંટ પેલોડે કામ કરવાની શરૂઆત કરી છે, જે સામાન્યરૂપે કામ કરે છે. STEPSએ 10 સપ્ટેમ્બરના રોજ કામ કરવાની શરૂઆત કરી હતી, SWIS ઉપકરણ શનિવારે સક્રિય થઈ ગયું છે અને કામ કરવાની શરૂઆત કરી છે.
