પ્રતાપ નગર અને અટલાદરામાં વિદેશી દારૃ વેચતા બે ઇસમો ઝડપાયા
વડોદરા,અટલાદરા અને પ્રતાપ નગર વિસ્તારમાં વિદેશી દારૃ વેચતા બે આરોપીઓને પોલીસે ઝડપી લીધા છે.
અટલાદરા પોલીસે મળેલી માહિતીના આધારે સંતોષી નગર વુડાના મકાનમાં ટાંકી બાઇક પર બિયરના ટીન લઇને ઉભેલા મહેશ રમેશભાઇ માળી (રહે. સાંઇ દર્શન વુડાના મકાનમાં, સનફાર્મા રોડ) તથા નિલેષ ચંદુભાઇ રાઠવા ( રહે. હરિઓમ નગર, દંતેશ્વર, મૂળ રહે. છોટાઉદેપુર) ને ઝડપી લીધા હતા. પોલીસે તેઓની પાસેથી બિયરના ૨૨ ટીન કિંમત રૃપિયા ૨,૬૪૦ ના કબજે કર્યા હતા.
માંજલપુર પોલીસે સહયોગ ગરબા ગ્રાઉન્ડ પાસે વિદેશી દારૃ લઇને ઉભેલા મહેશ ઝવેરભાઇ વાઘેલા ( રહે. અણખી ગામ, તા.જંબુસર, જિ.ભરૃચ) તથા દિનેશ ડાહ્યાભાઇ જાદવ (રહે. સાંઇ દર્શન એપાર્ટમેન્ટ, મારૃતિધામ સોસાયટીની બાજુમાં, માંજલપુર) ને ઝડપી પાડયા હતા. પોલીસે તેઓ પાસેથી દારૃની ત્રણ બોટલ કબજે કરી છે.
જ્યારે અન્ય એક બનાવમાં વાડી પોલીસે પ્રતાપ નગર બ્રિજ પાસે મસ્કેની ચાલીમાં રહેતા અને દારૃ વેચતા કરણ મહેન્દ્રભાઇ કદમના ઘરમાંથી વિદેશી દારૃની ૪ બોટલ કબજે કરી છે.
