પીએમ કોમનવેલ્થ ગેમ્સ 2022 માટે ભારતીય ટુકડી સાથે મુલકાત કરી
“ખેલાડીઓની શાનદાર મહેનતને કારણે દેશ આઝાદી કા અમૃત કાળમાં એક પ્રેરણાદાયી સિદ્ધિ સાથે પ્રવેશ કરી રહ્યો છે”
“એથ્લેટ્સ દેશના યુવાનોને માત્ર રમતગમતમાં જ નહીં પરંતુ અન્ય ક્ષેત્રોમાં પણ વધુ સારું પ્રદર્શન કરવા પ્રેરણા આપે છે”
“તમે દેશને વિચાર અને ધ્યેયની એકતાને વણી લો છો જે આપણા સ્વાતંત્ર્ય સંગ્રામની એક મહાન શક્તિ પણ હતી”
“તિરંગાની શક્તિ યુક્રેનમાં જોવા મળી હતી જ્યાં તે માત્ર ભારતીયો માટે જ નહીં પરંતુ અન્ય દેશોના નાગરિકો માટે પણ યુદ્ધના મેદાનમાંથી બહાર નીકળવા માટે રક્ષણાત્મક કવચ બની ગયું હતું.”
“આપણી સમક્ષ એક એવી સ્પોર્ટ્સ ઇકોસિસ્ટમ બનાવવાની જવાબદારી છે જે વૈશ્વિક સ્તરે ઉત્તમ, સમાવિષ્ટ, વૈવિધ્યસભર અને ગતિશીલ હોય. કોઈ પણ પ્રતિભાને પાછળ છોડવી જોઈએ નહીં”
પ્રધાનમંત્રી શ્રી નરેન્દ્ર મોદીએ નવી દિલ્હીમાં કોમનવેલ્થ ગેમ્સ (CWG) 2022 માટે ભારતીય ટુકડી સાથે મુલાકાત કરી હતી. આ મુલાકાત સમારોહમાં રમતવીરો અને તેમના કોચ બંનેએ હાજરી આપી હતી. કેન્દ્રીય યુવા બાબતો અને રમતગમત અને માહિતી અને પ્રસારણ મંત્રી શ્રી અનુરાગ સિંહ ઠાકુર અને યુવા બાબતો અને રમતગમત રાજ્ય મંત્રી શ્રી નિસિથ પ્રામાણિક આ પ્રસંગે ઉપસ્થિત રહ્યા હતા.
પ્રધાનમંત્રીએ બર્મિંગહામમાં યોજાયેલી કોમનવેલ્થ ગેમ્સ 2022માં ખેલાડીઓ અને કોચને તેમના શાનદાર પ્રદર્શન માટે અભિનંદન આપ્યા હતા, જ્યાં ભારતે વિવિધ સ્પર્ધાઓમાં 22 ગોલ્ડ, 16 સિલ્વર અને 23 બ્રોન્ઝ મેડલ મેળવ્યા હતા. પ્રધાનમંત્રીએ રમતવીરો અને કોચનું સ્વાગત કર્યું અને CWG 2022માં ભારતના રમતવીરોની સિદ્ધિઓ પર ખૂબ જ ગર્વ વ્યક્ત કર્યો. પીએમએ કહ્યું કે તે ગર્વની વાત છે કે ખેલાડીઓની શાનદાર મહેનતને કારણે દેશ આઝાદી કા અમૃત કાળમાં એક પ્રેરણાદાયી સિદ્ધિ સાથે પ્રવેશી રહ્યો છે..
પ્રધાનમંત્રીએ પ્રકાશ પાડ્યો કે છેલ્લા કેટલાક સપ્તાહમાં દેશે રમતગમતના ક્ષેત્રમાં બે મોટી સિદ્ધિઓ હાંસલ કરી છે. કોમનવેલ્થ ગેમ્સમાં ઐતિહાસિક પ્રદર્શનની સાથે સાથે દેશે પ્રથમ વખત ચેસ ઓલિમ્પિયાડનું આયોજન કર્યું છે. એથ્લેટ્સને સંબોધતા પ્રધાનમંત્રીએ કહ્યું, “જ્યારે તમે બધા બર્મિંગહામમાં સ્પર્ધા કરી રહ્યા હતા, ત્યારે કરોડો ભારતીયો અહીં ભારતમાં મોડી રાત સુધી જાગતા હતા, તમારી દરેક ક્રિયાઓ જોઈ રહ્યા હતા. ઘણા લોકો એલાર્મ સેટ કરીને સૂતા હતા જેથી તેઓ પરફોર્મન્સ પર અપડેટ રહે.” પ્રધાનમંત્રીએ ટુકડીના રવાના સમયે તેમના વચન મુજબ કહ્યું હતું કે અમે આજે વિજયની ઉજવણી કરી રહ્યા છીએ.
શાનદાર પ્રદર્શન પર પ્રકાશ પાડતા, પ્રધાનમંત્રીએ ટિપ્પણી કરી કે સંખ્યાઓ સમગ્ર બાબતને પ્રતિબિંબિત કરતી નથી કારણ કે ઘણા મેડલ શક્ય તેટલા ઓછા માર્જિનથી ચૂકી ગયા હતા જેમાં ટૂંક સમયમાં નિર્ધારિત ખેલાડીઓ દ્વારા સુધારવામાં આવશે. તેમણે કહ્યું કે ભારતે ગત વખતની સરખામણીમાં 4 નવી રમતોમાં જીતનો નવો રસ્તો શોધી કાઢ્યો છે. લૉન બોલથી લઈને એથ્લેટિક્સમાં ખેલાડીઓએ અસાધારણ પ્રદર્શન કર્યું છે. આ પ્રદર્શનથી દેશમાં નવી રમતગમત તરફ યુવાનોનો ઝોક ઘણો વધશે તેમ પ્રધાનમંત્રીએ જણાવ્યું હતું. પ્રધાનમંત્રીએ બોક્સિંગ, જુડો, કુસ્તીમાં ભારતની દીકરીઓની સિદ્ધિઓ અને CWG 2022માં તેમના પ્રભુત્વને પણ હાઇલાઇટ કર્યું હતું. તેમણે કહ્યું હતું કે 31 મેડલ એવા ખેલાડીઓ તરફથી આવ્યા છે જેઓ યુવાનોના વધતા આત્મવિશ્વાસને દર્શાવે છે.
પ્રધાનમંત્રીએ કહ્યું કે રમતવીરોએ માત્ર દેશને મેડલ ભેટ આપીને જ નહીં, પણ ઉજવણી કરવાની અને ગર્વ અનુભવવાની તક આપીને ‘એક ભારત શ્રેષ્ઠ ભારત’ના સંકલ્પને મજબૂત કર્યો છે. પ્રધાનમંત્રીએ ઉમેર્યું હતું કે રમતવીરો દેશના યુવાનોને માત્ર રમતગમતમાં જ નહીં પરંતુ અન્ય ક્ષેત્રોમાં પણ વધુ સારું પ્રદર્શન કરવા પ્રેરણા આપે છે. “તમે દેશને વિચાર અને ધ્યેયની એકતામાં વણી લીધો છે જે આપણા સ્વાતંત્ર્ય સંગ્રામની એક મહાન શક્તિ પણ છે”,એમ તેમણે કહ્યું. સ્વતંત્રતા સેનાનીઓની આકાશગંગાનો ઉલ્લેખ કરતા પ્રધાનમંત્રીએ કહ્યું કે પદ્ધતિઓમાં ભિન્નતા હોવા છતાં, તેઓ બધા પાસે સ્વતંત્રતાનું સમાન લક્ષ્ય હતું. એ જ રીતે આપણા ખેલાડીઓ દેશની પ્રતિષ્ઠા માટે મેદાનમાં ઉતરે છે. પ્રધાનમંત્રીએ ઉલ્લેખ કર્યો હતો કે ત્રિરંગાની શક્તિ યુક્રેનમાં જોવા મળી હતી જ્યાં તે માત્ર ભારતીયો માટે જ નહીં પરંતુ અન્ય દેશોના નાગરિકો માટે પણ યુદ્ધના મેદાનમાંથી બહાર નીકળવામાં રક્ષણાત્મક કવચ બની ગયો હતો.
પ્રધાનમંત્રીએ ખેલો ઈન્ડિયા સ્ટેજમાંથી બહાર નીકળેલા અને આંતરરાષ્ટ્રીય મંચ પર ખૂબ સારું પ્રદર્શન કરનારા ખેલાડીઓ પર ખુશી વ્યક્ત કરી હતી. તેમણે ટોપ્સ (ટાર્ગેટ ઓલિમ્પિક પોડિયમ સ્કીમ)ની સકારાત્મક અસરનો પણ ઉલ્લેખ કર્યો જે હવે જોવા મળી રહી છે. પ્રધાનમંત્રીએ નવી પ્રતિભાઓને શોધવા અને તેમને પોડિયમ પર લઈ જવાના આપણા પ્રયાસોને વધુ તીવ્ર બનાવવાની જરૂરિયાત પર ભાર મૂક્યો હતો. “આપણી સમક્ષ એક એવી સ્પોર્ટ્સ ઇકોસિસ્ટમ બનાવવાની જવાબદારી છે જે વૈશ્વિક સ્તરે ઉત્તમ, સમાવિષ્ટ, વૈવિધ્યસભર અને ગતિશીલ હોય. કોઈપણ પ્રતિભાને પાછળ છોડવી જોઈએ નહીં,” એના પર તેમણે ભાર મૂક્યો. પ્રધાનમંત્રીએ ખેલાડીઓની સફળતામાં કોચ, સ્પોર્ટ્સ એડમિનિસ્ટ્રેટર્સ અને સપોર્ટ સ્ટાફની ભૂમિકાને પણ સ્વીકારી હતી.
પ્રધાનમંત્રીએ એથ્લેટ્સને આગામી એશિયન ગેમ્સ અને ઓલિમ્પિક માટે સારી તૈયારી કરવા વિનંતી કરી હતી. આઝાદી કા અમૃત મહોત્સવના અવસરે, પ્રધાનમંત્રીએ ખેલાડીઓ અને તેમના કોચને મુલાકાત લઈને બાળકોને પ્રોત્સાહિત કરવા વિનંતી કરી.
