દિલ્હીવાસીઓ આ વર્ષે પણ દિવાળીમાં ફટાકડા નહીં ફોડી શકે, દિલ્હી સરકારે લીધો મોટો નિર્ણય

દર વર્ષે દિવાળી પર દિલ્હીની હવા પ્રદૂષિત થઈ જાય છે. આને ધ્યાનમાં રાખીને દિલ્હી સરકારે ગયા વર્ષે દિવાળી પર ફટાકડા ફોડવા અને વેચવા પર પ્રતિબંધ મૂક્યો હતો. હવે કેજરીવાલ સરકારે ફરી જાહેરાત કરી છે કે આ વર્ષે પણ દિવાળી દરમિયાન ફટાકડા નહીં ફોડવામાં આવે. દિલ્હીના પર્યાવરણ મંત્રી ગોપાલ રાયે કહ્યું કે શિયાળામાં વધી રહેલા પ્રદૂષણને કારણે આવો નિર્ણય લેવામાં આવ્યો છે.ગોપાલ રાયના જણાવ્યા અનુસાર શિયાળામાં દિલ્હીમાં પ્રદૂષણનું સ્તર વધી જાય છે. દિલ્હીનો સરેરાશ AQI જાન્યુઆરીથી ઓગસ્ટ સુધી ઓછો રહે છે, પરંતુ જેમ જેમ શિયાળો આગળ વધે છે તેમ તેમ હવા પ્રદૂષિત થવા લાગે છે. ગોપાલ રાયે કહ્યું કે આ વર્ષે પણ દિલ્હીમાં તમામ પ્રકારના ફટાકડા બનાવવા, વેચવા, સ્ટોર કરવા અને ઉપયોગ કરવા પર સંપૂર્ણ પ્રતિબંધ રહેશે.

Maa News

See author's posts