યુપીના સંભલમાં પોલીસ ઈન્સપેક્ટરનું કૃત્ય રેપ પીડિતાને ફોન પર પૂછી અશ્લિલ જાણકારી વોટ્સએપ પર પર્સનલ કોલ કરવાનું દબાણ કર્યું
યુપીના સંભલના પોલીસ ઈન્સપેક્ટર અશોક કુમારે ગેંગ રેપ પીડિતા સાથે ફોન પર અશ્લિલ જાણકારી માગી હતી તેને ધમકાવી હતી. પીડિતાના ભાઈની ફરિયાદ પર એસપીએ ઈન્સ્પેક્ટરને સસ્પેન્ડ કરી દીધા અને તપાસ એડિશનલ સુપરિન્ટેન્ડન્ટ ઓફ પોલીસને સોંપી દીધી.એસપીને આપેલા ફરિયાદ પત્રમાં બળાત્કાર પીડિતાના ભાઈનું કહેવું છે કે ઈન્સ્પેક્ટર અશોક કુમારે તેની બહેનને બોલાવીને અશ્લીલ વાત કરી. તે તેના પર વોટ્સએપ કોલ કરવા માટે દબાણ કરી રહ્યો હતો, પરંતુ પીડિતાએ ના પાડી. ઈન્સ્પેક્ટરે ધમકી આપીને કોર્ટમાં નિવેદનો બદલી નાખ્યા. જેના કારણે ત્રણ આરોપીઓ છૂટી ગયા હતા. કોર્ટમાં ચાર્જશીટ દાખલ થયા બાદ આરોપીઓના નામની માહિતી મળી હતી. અહીં રેપ પીડિતા સાથે અશ્લીલ વાત કરતા ઈન્સ્પેક્ટરનો ઓડિયો પણ સર્ક્યુલેટ થઈ રહ્યો છે. આમાં તે મેડિકલ તપાસ માટે અંગત માહિતી મેળવવાનો પ્રયાસ કરી રહ્યો છે. જોકે, પીડિતાએ આ અંગે ઘણી વખત કહેવાનો ઇનકાર કર્યો હતો. તે તેના પર વોટ્સએપ કોલ પર વાત કરવા માટે પણ દબાણ કરી રહ્યો છે. આરોપીએ ફોન પર પીડિતાને મેડિકલ દરમિયાન શું શું થયું, કઈ કઈ ચીજોના સેમ્પલ લેવાય જેવા સવાલો કર્યાં. એક બે વાર તો પ્રેમિકા સાથે વાતો થાય તેવી રીતે વાતો કરી. આ રીતની વાતચીતના બે ઓડિયો વાયરલ થયા છે
