સિક્કિમમાં વાદળ ફાટવાથી તબાહી, સેનાના 23 જવાનો લાપતા: તિસ્તા નદીમાં અચાનક જ આવેલ પૂરના કારણે પરિસ્થિતિ ગંભીર

ગુવાહાટીમાં ડિફેન્સ પીઆરઓએ કહ્યું, ઉત્તર સિક્કિમમાં લોનાક તળાવ પર અચાનક પૂર આવ્યું. 23 સૈનિકો ગુમ છે. ચુંગથાંગ ડેમમાંથી પાણી છોડવાને કારણે ડાઉનસ્ટ્રીમમાં પાણીની સપાટી અચાનક 15-20 ફૂટની ઉંચાઈએ પહોંચી ગઈ હતી. જેના કારણે સિંગતમ નજીકના બરડાંગ ખાતે પાર્ક કરાયેલા સેનાના વાહનોને અસર થઈ હતી. સેનાના 23 જવાનો ગુમ થયાના અને 41 વાહનો કાદવમાં ડૂબી જવાના સમાચાર છે.બીજેપી નેતા ઉગેન ત્સેરિંગ ગ્યાત્સો ભુટિયાએ જણાવ્યું હતું કે, સરકારી તંત્રને સ્થાને મૂકીને લોકોના જીવ બચાવવામાં આવી રહ્યા છે, જેનો રિપોર્ટ આવવાનો બાકી છે. કોઈ જાન-માલનું નુકસાન થયું નથી પરંતુ સિંગતમમાં જાહેર મિલકતોને નુકસાન થયું છે. કેટલાક લોકો ગુમ છે. એવી માહિતી છે કે તેમને શોધવાના પ્રયાસો ચાલુ છે.