લોન માફી અંગે RBIએ કર્યું એલર્ટ જાહેર! જો-જો ક્યાંક તમે તો નથી થઇ ગયા ને આ ફ્રોડના શિકાર
RBI Alert : RBIએ લોન માફી માટે આપવામાં આવી રહેલી નકલી જાહેરાતોને લઈને એલર્ટ જાહેર કર્યું છે. રિઝર્વ બેંક ઓફ ઈન્ડિયા (RBI) એ સોમવારે લોકોને પ્રિન્ટ મીડિયા તેમજ સોશિયલ મીડિયા પ્લેટફોર્મ પર લોન માફી ઓફર સંબંધિત ભ્રામક જાહેરાતો સામે ચેતવણી આપી હતી. RBI દ્વારા જાહેર કરવામાં આવેલા નિવેદન અનુસાર નકલી જાહેરાતો આપીને લોન લેનારને ફસાવવાનો પ્રયાસ કરવામાં આવી રહ્યો છે. આને ધ્યાનમાં રાખીને રિઝર્વ બેંકે લોન માફીની ઓફર કરીને ઋણધારકોને લલચાવતી કેટલીક ભ્રામક જાહેરાતોની નોંધ લીધી છે.
આ સંસ્થાઓ પ્રિન્ટ મીડિયા તેમજ સોશિયલ મીડિયા પ્લેટફોર્મ પર આવા ઘણા અભિયાનોને સક્રિયપણે પ્રોત્સાહન આપી રહી છે. આવી સંસ્થાઓ કોઈપણ સત્તા વિના “લોન માફી પ્રમાણપત્રો” જાહેર કરવા માટે સેવા/કાનૂની ફી વસૂલતી હોવાના અહેવાલો પણ છે.