ઓસ્ટ્રેલિયાના આ એક નિર્ણયથી વધશે ભારતીય વિદ્યાર્થીઓની મુશ્કેલી! વીઝાના નિયમોને લઇને આવી સૌથી મોટી અપડેટ
વિદેશમાં ભણવા જવાનું અને ત્યાં સ્થાયી થવાનું સપનું જોતાં લોકો માટે વધુ એક મોટા સમાચાર સામે આવ્યા છે. ગઈકાલે એક તરફ કેનેડાએ GIC ફી 10 હજારથી વધારીને 20635 ડોલર કરી છે. હવે ઓસ્ટ્રેલિયાએ પણ સ્ટુડન્ટ વિઝા નિયમોમાં કડકાઈનો આદેશ આપ્યો છે.
વાત એમ છે કે ઓસ્ટ્રેલિયા હવે પોતાની માઈગ્રન્ટ પોલિસીને વધુ કડક બનાવવા જઈ રહ્યું છે. ઓસ્ટ્રેલિયાએ સોમવારે જણાવ્યું હતું કે તે આંતરરાષ્ટ્રીય વિદ્યાર્થીઓ અને ઓછા કુશળ કામદારો માટે વિઝા નિયમો કડક બનાવશે, જે આગામી બે વર્ષમાં તેની migrant entry એટલે કે સ્થળાંતર પ્રવેશને અડધી કરી શકે છે. માઈગ્રન્ટ લઈને એક સિસ્ટમ બનાવવામાં આવી હતી જે તૂટી ગઈ છે અને સરકાર હવે પરિસ્થિતિ સુધારવા માંગે છે. નવી નીતિઓ હેઠળ, આંતરરાષ્ટ્રીય વિદ્યાર્થીઓએ અંગ્રેજી એક્ઝામમાં ઉચ્ચ રેટિંગ્સ હાંસલ કરવાની જરૂર પડશે અને વિદ્યાર્થીની બીજી વિઝા અરજી પર વધુ તપાસ થશે, જેના કારણે તેમના વિઝા આવવામાં વધુ સમય લાગી શકે છે.