રાપરમાં ગ્રામ્યકક્ષાએ વ્યકિતગત પ્રશ્નો–સેવાઓને લગતાં સેવા સેતુનાં કાર્યક્રમો યોજાશે
રાજય સરકારની પ્રજાલક્ષી યોજનાઓનો લાભ પ્રજાને સતત મળતો રહે તેમજ રાજયના પ્રજાજનોના વ્યકિતગત પ્રશ્નો અને સેવાઓ તેમના રહેઠાણના નજીકના સ્થળે, તે જ દિવસે પ્રાપ્ત થઇ શકે તેવા ઉમદા હેતુને ધ્યાને લઇ રાપર તાલુકામાં ગ્રામ્યકક્ષાએ આ કાર્યક્રમોનું ચાલુ વર્ષે આયોજન કરાયું છે, તેમ નિવાસી અધિક કલેકટર શ્રી કુલદીપસિંહ ઝાલાએ જણાવ્યું છે.
અધિક કલેકટર કુલદીપસિંહ ઝાલાએ આપેલી વિગતો અનુસાર આગામી તા.૧૮/૧૦/૨૦૧૯ ના રોજ રાપર તાલુકાના માણાબા ખાતે કલસ્ટરમાં સમાવિષ્ટ ગામો માણાબા, કુંભારીયા, થોરીયારી, ભીમદેવકા, કુલપરા, બાલાસરી અને પેથાપર એમ-૭ ગામોનો સેવા સેતુ કાર્યક્રમ યોજાશે.
વ્રજવાણી ખાતે તા.૧૯/૧૦/૨૦૧૯ ના રોજ વ્રજવાણી, બેલા, મૌવાણા, આણંદપર અને ધબડા કલસ્ટર ગામોનો સેવા સેતુ કાર્યક્રમ યોજાશે. રાપરના સઇ ગામે સઇ, ડાભુંડા, ચિત્રોડ, ખાનપર, ટીંડલવા નાની-મોટી, નલીયા ટીંબો અને ડેડરવા કલસ્ટર ગામોનો સેવા સેતુ કાર્યક્રમ યોજાશે.
તા.૨૯/૧૧/૨૦૧૯ ના રોજ રાપરના બાલાસર ગામે બાલાસર, જાટાવાડા, લોદ્રાણી, શીરાની વાંઢ, વેરસરા અને ગઢડા રાસાજી કલસ્ટર ગામોનો સેવા સેતુ કાર્યક્રમ યોજાશે.
તા.૭/૧૨/૨૦૧૯ ના રોજ રાપરના છોટાપર ગામે છોટાપર, કિડીયાનગર, વેકરા, સોમાણીવાંઢ, બાદલપર અને વલ્લભપર ગામોનો સેવા સેતુ કાર્યક્રમ યોજાશે.
તા.૨૧/૧૨/૨૦૧૯ ના રોજ વરણું ગામે વરણું, પંડયાગઢ, વીજાપર, તગા, સુખપર એમ પાંચ કલસ્ટર ગામોનો સેવા સેતુ કાર્યક્રમ યોજાશે.